مشاركتي في حفل بن درمان اليامي
يا سلام الله على يام العريقة
لابةٍ من عهد هود وعهد عادي
مجدهم وسط السما يلمع بريقه
مثل نور الشمس متجلي وبادي
يام موفين المواعيد الوثيقة
الرجال اهل الشرف واهل المبادي
ينطحون الضيف بوجيهٍ طليقة
للخوي جنة ونارٍ للمعادي
والله ان منتوج نجران العتيقة
الاصيل من العرب ومن الجيادي
والشجاعة في دم اليامي وريقه
وهبةٍ من عند خلاق العبادي
شاربنْها قبل تذبح له عقيقة
معْ حليب امه وعاده في المهادي
ما يشوش على الاغاني والموسيقة
ما يشوش الا على ضرب الهنادي
والقبايل كلها نفس الطريقة
والنّعم فـ الحضر منهم والبوادي
كل منا ينظر الثاني شقيقه
صف واحد بالرجال وبالعتادي
روحٍ انضحي بها ودمٍ نريقه
لا دعى سلمان حيا ع الجهادي
وعند بن درمان نبراس الحقيقة
الشجيع الي يقود ولا يقادي
نهدي التبريك وازهار الحديقة
من هجوسٍ ريحها مسكٍ وكادي
والمشاعر والعبارات الرقيقة
والطواريق الجزيلات الجدادي
شعر شاعر بالجبلّة والسليقة
بس ماهو هايمٍ في كل وادي
وقفته قدامكم لوهي دقيقة
يعتبرها عيد من ضمن العيادي
والصلاة على النبي خير الخليقة
خير خلق الله جميع وخير هادي
خالد بن عبدالله العمري
27 / 4 / 1437 هـ
مواضيع من نفس القسم
المفضلات